ഒട്ടാവ : 2023-ലെ പന്ത്രണ്ടാമത് എക്സ്പ്രസ് എൻട്രി നറുക്കെടുപ്പിലൂടെ മൊത്തം 589 ഉദ്യോഗാർത്ഥികൾക്ക് ഇൻവിറ്റേഷൻ നൽകിയതായി ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (ഐആർസിസി) അറിയിച്ചു. 691 എന്ന ഏറ്റവും കുറഞ്ഞ സമഗ്ര റാങ്കിംഗ് സിസ്റ്റം (CRS) സ്കോർ ഉള്ള ഉദ്യോഗാർത്ഥികൾക്കാണ് ഇന്ന് നടന്ന പ്രത്യേക പ്രൊവിൻഷ്യൽ നോമിനി പ്രോഗ്രം നറുക്കെടുപ്പിലൂടെ ഇൻവിറ്റേഷൻ ലഭിച്ചത്.
2023-ലെ നാലാമത്തെ PNP സ്പെസിഫിക് നറുക്കെടുപ്പാണിത്. മാർച്ച് 1-ന് നടന്ന അവസാന നറുക്കെടുപ്പിലൂടെ 667 ഉദ്യോഗാർത്ഥികൾക്ക് ഇൻവിറ്റേഷൻ ലഭിച്ചിരുന്നു. അതിനുശേഷം നടന്ന എല്ലാ നറുക്കെടുപ്പുകളും എല്ലാ എക്സ്പ്രസ് എൻട്രി പ്രോഗ്രാമുകളിൽ നിന്നുമുള്ള ഉദ്യോഗാർത്ഥികളെയാണ് പരിഗണിച്ചത്.
ഏപ്രിൽ 12 ന് നടന്ന നറുക്കെടുപ്പിലൂടെ, CRS സ്കോർ 486 ഉള്ള 3,500 ഉദ്യോഗാർത്ഥികൾക്ക് IRCC ഇൻവിറ്റേഷൻ നൽകി. തുടർച്ചയായി നാല് നറുക്കുകളിലായി 21,000-ത്തിലധികം ഉദ്യോഗാർത്ഥികൾക്ക് IRCC
ഇൻവിറ്റേഷൻ നൽകിയിരുന്നു.
രാജ്യത്ത് എക്സ്പ്രസ് എൻട്രി അപേക്ഷകർക്ക് ആക്‌സസ് ഉണ്ടായിരിക്കേണ്ട ഫണ്ടിന്റെ തുക മാറിയെന്ന് മെയ് 2-ന് ഐആർസിസി പ്രഖ്യാപിച്ചു. എല്ലാ എക്സ്പ്രസ് എൻട്രി ഉദ്യോഗാർത്ഥികളും കാനഡയിൽ സ്ഥിരതാമസമാക്കാൻ ആവശ്യമായ പണമുണ്ടെന്ന് തെളിയിക്കാൻ പ്രൂഫ് ഓഫ് ഫണ്ട് കാണിക്കണം.
കനേഡിയൻ എക്സ്പീരിയൻസ് ക്ലാസിലെ ഉദ്യോഗാർത്ഥികൾക്കും കാനഡയിൽ ജോലി ചെയ്യാൻ അധികാരമുള്ളതും സാധുവായ ജോബ് ഓഫർ ഉള്ളതുമായ എക്സ്പ്രസ് എൻട്രി ഉദ്യോഗാർത്ഥികൾക്ക് പ്രൂഫ് ഓഫ് ഫണ്ട് ആവശ്യമില്ല. എക്സ്പ്രസ് എൻട്രിക്ക് അർഹതയുള്ളവരായി തുടരാൻ, ഉദ്യോഗാർത്ഥികൾ അവരുടെ പ്രൊഫൈലുകൾ അപ്ഡേറ്റ് ചെയ്യണം. IRCC തുക വർഷം തോറും അപ്ഡേറ്റ് ചെയ്യുന്നു.
