ഓവലില്‍ ആദ്യ ദിനം ചിരിച്ചത് ഓസ്‌ട്രേലിയ

ഓവല്‍:ലോക ടെസ്റ്റ് ചാമ്പ്യന്‍ഷിപ്പ് ഫൈനല്‍ പുരോഗമിക്കുന്നു.ആദ്യ ദിനം സമാപിച്ചപ്പോള്‍ ഓസ്‌ട്രേലിയ മികച്ച നിലയില്‍.
3 വിക്കറ്റ് നഷ്ടത്തിൽ 327 റണ്‍സ് എന്ന സ്‌കോറിലാണ് ഓസ്‌ട്രേലിയ.സെഞ്ച്വറി നേടിയ ട്രാവിസ് ഹെഡിന്റെയും അര്‍ദ്ധസെഞ്ച്വറി സ്‌കോര്‍ ചെയ്ത സ്റ്റീവന്‍ സ്മിത്തിന്റെയും മികവിലാണ് ഓസീസ് മികച്ച നിലയില്‍ എത്തിയത്.ഹെഡ് 146 റണ്‍സും സ്മിത്ത് 95 റണ്‍സും നേടിയിട്ടുണ്ട്.
ഡേവിഡ് വാര്‍ണര്‍,ഉസ്മാന്‍ ഖവാജ ,മാര്‍നസ് ലെബുഷെയ്ന്‍ എന്നിവരുടെ വിക്കറ്റുകളാണ് ഓസീസിന് നഷ്ടമായത്.വാര്‍ണര്‍ 60 പന്തില്‍ 43 റണ്‍സ് നേടിയാണ് പുറത്തായത്.ഖവാജയ്ക്ക് റണൊന്നും നേടാനായില്ല.ലെബുഷെയ്ന്‍ 26 റണ്‍സ് എടുത്തു.
ഇന്ത്യയ്ക്ക് വേണ്ടി മുഹമ്മദ് ഷമി,മുഹമ്മദ് സിറാജ്,ഷര്‍ദൂല്‍ ഠാക്കൂര്‍ എന്നിവര്‍ ഓരോ വിക്കറ്റ് വീതം വീഴ്ത്തി.76 റണ്‍സിനിടെ ഓസ്‌ട്രേലിയയുടെ 3 വിക്കറ്റുകള്‍ വീഴ്ത്താന്‍ സാധിച്ചെങ്കിലും പിന്നീട് ആ മികവ് തുടരാന്‍ ഇന്ത്യന്‍ ടീമിന് സാധിച്ചില്ല.രണ്ടാം ദിനത്തില്‍ ഓസ്‌ട്രേലിയയുടെ വിക്കറ്റുകള്‍ എത്രയും വേഗം വീഴ്ത്താനായിരിക്കും ഇന്ത്യയുടെ ശ്രമം.