ഉക്രെയ്‌നിലെ റഷ്യൻ അധിനിവേശത്തിന് പിന്തുണ നൽകിയതിന് അടുത്തിടെ ഉപരോധം ഏർപ്പെടുത്തിയ സ്ഥാപനങ്ങളുടെ പട്ടികയിൽ രണ്ട് കനേഡിയൻ കമ്പനികളും ഉൾപ്പെടുന്നതായി യുഎസ്, കനേഡിയൻ അധികൃതർ അറിയിച്ചു. മോൺട്രിയലിൽ നിന്നുള്ള രണ്ട് ഇലക്ട്രോണിക്സ് വിതരണ കമ്പനികളായ CPUNTO ഇൻകോർപ്പറേഷൻ, ഇലക്ട്രോണിക് നെറ്റ്വർക്ക് ഇൻകോർപ്പറേഷൻ എന്നീ കമ്പനികൾക്കാണ് ഉപരോധം ഏർപ്പെടുത്തിയത്.
റഷ്യയെ പിന്തുണയ്ക്കുന്ന കമ്പനികളെയും സ്ഥാപനങ്ങളെയും തിരിച്ചറിയാനുള്ള “ആഗോള ശ്രമത്തിന്റെ” ഭാഗമായാണ് ഉപരോധം ഏർപ്പെടുത്തിയ രണ്ടു കമ്പനികളെ തിരിച്ചറിഞ്ഞതെന്നും സാങ്കേതിക വിദ്യകളിലേക്കുള്ള റഷ്യൻ പ്രവേശനം നിയന്ത്രിക്കുന്നതിന് യുഎസ് ബ്യൂറോ ഓഫ് ഇൻഡസ്ട്രി ആൻഡ് സെക്യൂരിറ്റിയുമായി ചേർന്ന് പ്രവർത്തിച്ചതായും കാനഡ ബോർഡർ സർവീസസ് ഏജൻസി പറഞ്ഞു.
രണ്ടു കമ്പനികളും യുണൈറ്റഡ് സ്റ്റേറ്റ്സിന്റെ ദേശീയ സുരക്ഷാ അല്ലെങ്കിൽ വിദേശ നയ താൽപ്പര്യങ്ങൾക്ക് വിരുദ്ധമായി പ്രവർത്തിക്കുന്നതായി യുഎസ് വാണിജ്യ വകുപ്പ് അറിയിച്ചു. മോസ്കോയുടെ ഉക്രെയ്ൻ അധിനിവേശത്തെത്തുടർന്ന് ഏർപ്പെടുത്തിയ റഷ്യയുമായി ബന്ധപ്പെട്ട ഉപരോധങ്ങൾ പാലിക്കുന്നുണ്ടെന്ന് ഉറപ്പാക്കാൻ യുഎസ് സർക്കാർ കമ്പനികളോട് ആവശ്യപ്പെട്ടിരുന്നു. ഇതിൽ പരാജയപ്പെടുന്നത് പ്രോസിക്യൂഷൻ അല്ലെങ്കിൽ എൻഫോഴ്സ്മെന്റ് നടപടികളിലേക്ക് നയിച്ചേക്കാമെന്നും കമ്പനികൾക്ക് മുന്നറിയിപ്പ് നൽകിയിരുന്നു.
