തമിഴ് നടനും സംവിധായകനുമായ ജി മാരിമുത്തു അന്തരിച്ചു. 57 വയസായിരുന്നു. ഇന്ന് രാവിലെ 8.30നായിരുന്നു അന്ത്യം. ചെന്നൈയില്‍ എതിര്‍ നീച്ചലെന്ന ടിവി സീരിയലിന്റെ ഡബ്ബിങ്ങിനിടെ കുഴഞ്ഞു വീഴുകയായിരുന്നു. തുടര്‍ന്ന് ചെന്നൈ വടപളനിക്കടുത്തുള്ള സൂര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല. ഹൃദയാഘാതമാണ് മരണകാരണമെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.
രജിനികാന്ത് നായകനായെത്തിയ ജയിലറും റെഡ് സന്താല്‍ വുഡുമാണ് മാരിമുത്തുവിന്റെ അവസാന ചിത്രങ്ങള്‍. ജയിലറില്‍ വില്ലനായ വിനായകന്റെ കൂട്ടാളിയായ മാരിമുത്തുവിന്റെ പ്രകടനം വലിയ ചര്‍ച്ചയായിരുന്നു. ജയിലര്‍ കൂടാതെ വാലി, ജീവ, പെരിയേറും പെരുമാള്‍ തുടങ്ങിയ വിവിധ ചിത്രങ്ങളിലും മാരിമുത്തു മികച്ച അഭിനയം കാഴ്ച വെച്ചിട്ടുണ്ട്.
2008ല്‍ പുറത്തിറങ്ങിയ കണ്ണും കണ്ണും ആണ് മാരിമുത്തു സംവിധാനം ചെയ്ത ആദ്യ ചിത്രം. കിനട്ടക് കണ്ണം എന്ന കോമഡി സിനിമയും ഇദ്ദേഹം സംവിധാനം ചെയ്തിട്ടുണ്ട്.
