ഒട്ടാവ : കനേഡിയൻ ചരിത്രത്തിലെ ഏറ്റവും പ്രായം കുറഞ്ഞ യൂണിവേഴ്സിറ്റി ബിരുദധാരിയായിരിക്കുകയാണ് 12 വയസ്സുകാരിയായ ആന്തിയ-ഗ്രേസ് പട്രീഷ്യ ഡെന്നിസ്. ഒട്ടാവ സ്വദേശിനിയായ ആന്തിയ-ഗ്രേസ് പട്രീഷ്യ ഡെന്നിസ് ഒട്ടാവ സർവകലാശാലയിൽ നാളെ നടക്കുന്ന ചടങ്ങിൽ ബയോമെഡിക്കൽ സയൻസിൽ ബിരുദം സ്വീകരിക്കുന്നതോടെ രാജ്യത്തെ ഏറ്റവും പ്രായം കുറഞ്ഞ ബിരുദധാരി എന്ന റെക്കോർഡിന് അർഹയാവും.
എന്നെപ്പോലുള്ള ഒരു വ്യക്തിക്ക് ഉണ്ടായിട്ടുള്ള എല്ലാ തടസ്സങ്ങളും അവഗണിച്ച് ഈ നേട്ടം കൈവരിച്ചതിൽ അഭിമാനമുണ്ടെന്ന് ഒമ്പത് വയസ്സുള്ളപ്പോൾ ബിരുദ പഠനം ആരംഭിച്ച ആന്തിയ-ഗ്രേസ് പട്രീഷ്യ പറഞ്ഞു. സന്തുലിതാവസ്ഥയെയും ചലനത്തെയും ഏകോപിപ്പിക്കുന്നതിന് കാരണമാകുന്ന തലച്ചോറിന്റെ ഭാഗമായ സെറിബെല്ലത്തിലെ പ്രവർത്തന പ്രവർത്തനങ്ങളെക്കുറിച്ചുള്ള 40 പേജുള്ള തീസിസ് പൂർത്തിയാക്കിയാണ് ആന്തിയ ചരിത്രനേട്ടത്തിലേക്ക് എത്തിയത്.
ഏകദേശം ഒരു വർഷത്തോളം ഈ വിഷയത്തിൽ ഗവേഷണം നടത്തിയ ശേഷം, ഒട്ടാവ-കാൾട്ടൺ ഇൻസ്റ്റിറ്റ്യൂട്ട് ഓഫ് ബയോളജി സിമ്പോസിയത്തിൽ ആന്തിയ പട്രീഷ്യ ഡെന്നിസ് തന്റെ കണ്ടെത്തലുകൾ അവതരിപ്പിച്ചു.
തുടർന്ന് മക്ഗിൽ യൂണിവേഴ്സിറ്റി, ടൊറന്റോ യൂണിവേഴ്സിറ്റി, ഇല്ലിനോയിസ് ഇൻസ്റ്റിറ്റ്യൂട്ട് ഓഫ് ടെക്നോളജി എന്നിവയിലേതെങ്കിലും സർവ്വകലാശാലയിൽ ബിരുദാനന്തര ബിരുദം നേടാനിരിക്കുകയാണ് ആന്തിയ-ഗ്രേസ് പട്രീഷ്യ ഡെന്നിസ്.
